Головна » 2011 » Sentyabr » 25 » 62 yaşlı qadın Kubadan Floridaya üzəcək
16:53
62 yaşlı qadın Kubadan Floridaya üzəcək


Diana Nayad adlı üzgüçü 60 saat dayanmadan üzməli olacaq

Amerikalı üzgüçü Diana Nayad dənizlə Kuba və Florida arasındakı məsafəni qət etməyə 2-ci dəfə cəhd edəcək. 62 yaşlı qadın Kubanın paytaxtı Havanadan 165-kilometrlik, 60-saatlıq səfərə yollanıb. Üzgüçü 1979-cu ildə elə özünün qeydə aldığı rekordu təzələməyə çalışır. Həmin vaxt Diana Nayad Baham adalarından Floridaya üzmüşdü. Üzgüçü hazırda həmin səyahətdəkindən daha yaxşı formada olduğunu deyir.

Üzgüçüyə köpək balıqlarını uzaq tutacaq, elektrik cərəyanı ilə təchiz edilmiş xüsusi aparat bağlanacaq. Diana Nayadı qayıqla müşayiət edən köməkçilərə isə ona yemək, dərman yaxud yeni çimərlik paltarı vermək qadağan olunub.

Qeyd edək ki, yaşlı üzgüçü avqustun 9-da Kuba-Florida dəniz səyahətini reallaşdırmağa çalışsa da, astma tutması səbəbindən 29 saatdan sonra sudan çıxmışdı.
Переглядів: 361 | Додав: KNPS | Рейтинг: 0.0/0
Всього коментарів: 0
Додавати коментарі можуть лише зареєстровані користувачі.
[ Реєстрація | Вхід ]